ترکمن سسی- مرحوم حاج نورمحمد مختوم نژاد دهیار روستاي حاجی قوشان از حاجیانی بود که در فاجعه منا جان به جان آفرین تسلیم کرد،شعر زیر در رثای این حاجی عزیز سروده شده است.
نأمه گلمه دینگ
پرواز ادیپ اوچدونگ شهر گورگندن،
آلقئش آلئپ گیتدینگ أهلی حالقئنگدان،
حاجئ بوُلماق بیر بؤلومدیر دینینگدن،
حاجا گیدن بالا نأمه گلمه دینگ.
آلتئ آدام بوُلوپ مدینأ باردئنگ،
رسول ماقامئندا تاغظئمئنگ قئلدئنگ،
روضه دا دوُغا هم ناماز اوُقادئنگ،
صلوات لار آیدان نأمه گلمه دینگ.
بیتیردینگ رسولا اوُوال زئیارات،
اوُل ایشینگ پاداشی اوُندان شفاعت،
الله اوچین قئلدئنگ طاغات-عئبادات،
شفاعت نائلی نأمه گلمه دینگ.
روضه شریف جنت باغئندان نئشان،
اوُندا دوُغا اتدینگ قابول بی گومان،
ال غالدئرئپ قئلئپ توُبا پشیمان،
توُبا ادن مؤمن نأمه گلمه دینگ.
مدینه دن اوغراپ مکگأگه یتدینگ،
همسر بیله کأبه طوُغابئن اتدینگ،
آرزوو قئلئپ اولئ ماقصاتغا یتدینگ،
ماقصادئنا یتن نأمه گلمه دینگ.
مکگه شهرینده دیر اوُل بیت خدا،
اوُغول بأبک، بایرام سولطان باوفا،
بیله سعی اتدینگیز مروه هم صفا،
سعی ادن حاجئ لار نأمه گلمه دینگ.
طواف، سعی اتمک دیر اولئ عبادت،
مقام ابراهیم دئر بییک سعادت،
حاجئ بوُلماق بهیشتی دن بشارت،
بهیشتی حاجئ لار نأمه گلمه دینگ.
احرام، طواف، عرفه حاجئ نئنگ فرضی،
بوُینونگدا غالماسئن بندأنینگ قرضی،
شهادت سببی مکه نینگ ارضی،
احرام بیلن گیدن نأمه گلمه دینگ.
جمع بوُلوپ گیتدینگیز عرفا دورماغا،
منادان داش آلدئنگ شیطان اورماغا،
دوُست – یوُلداش لار صبر اتمه دی دورماغا،
منا گیدن دهیار نأمه گلمه دینگ.
منا صحراسئندا بوُلدئ لرزانا،
جهان اسلام غالدئ شوُنگا حایرانا،
ایله دی مؤمن لر اؤینی غامخانا،
غامدان غوتارماغا نأمه گلمه دینگ.
نیچه گون لر شهادتیندن گچدی،
من بیلمه دیم گؤیأ آسمانا اوچدئ،
عزیز دوُستونگ سنی گؤرمأنی غاچدئ،
دوُستئ بیلن گیدن نأمه گلمه دینگ.
عرفادا دوروپ فرضینگ بیتیردینگ،
یوُلداشئنگئ منا بارئپ ییتیردینگ،
حأضیر گیتمه لی دأل دییپ خابار گتیردینگ،
کروِندش لنگ گلدی نأمه گلمه دینگ.
توفیق دیلأپ گیتدینگ عربستانا،
مدینه، مکگه ده گیردینگ بوُسسانا،
یوکونگ سندن ایلکی گلدی اوستانا،
سوُوغات لارئنگ گلدی نأمه گلمه دینگ.
انه- آتا، اوُغول-غئزئنگ غاراشدئ،
دوُست-یار، دوُغان-غارئنداشلانگ گؤزلشدی،
بیلمه دیم سن بیلن کیم لر سؤزلشدی،
منا صحراسئندان نأمه گلمه دینگ.
نیچه گون لر غوُیدونگ بیزی ماتاما،
دیری گلر دیییپ بوُلدوق هانتاما،
أهلی اوُبا زارئن آغلادئ سانگا،
ایل بوُلوپ آغلاشدئق، نأمه گلمه دینگ.
دیلیمیز بارمادئ اؤلدی دییمأگه،
گؤزومیز چاتمادئ سیزی گؤرمأگه،
آخ! نصیپ اتمه دی غارشئ بارماغا،
هؤوس بیلن گیتدینگ نأمه گلمه دینگ.
عوام الناس، موُللالار هم علما،
دوُغا ادیپ دییدی رحم اتسین خدا،
صبر قوواتئنئ برسین اوُل الله،
صبر ادیپ اوُتوردئق نأمه گلمه دینگ.
احرام بیلن گیدیپ نأهیل گلدینگیز،
اعمالئ بیتیریپ حاجئ بوُلدونگئز،
قبادی دییر شهید بوُلوپ گولدونگیز،
شهید بوُلان لارمئز دیری گلمه دینگ
شاعر: تاج محمد قبادی
- نظرات خود را با حروف فارسی تایپ کنید.
- نظرات حاوی مطالب کذب، توهین یا بی‌احترامی به اشخاص، قومیت‌ها، عقاید دیگران، موارد مغایر با قوانین کشور و آموزه‌های اسلامی منتشر نمی‌شود.
- نظرات بعد از ویرایش ارسال می‌شود.